Vind die natuur én kultuur op Graaff Reinet
![wegrysleepza2004_article_058_01_01](https://article-imgs.scribdassets.com/7a7juzvbsw7rjwa5/images/fileDEM6J5SK.jpg)
![wegrysleepza2004_article_058_01_02](https://article-imgs.scribdassets.com/7a7juzvbsw7rjwa5/images/fileMFB15JA2.jpg)
Graaff-Reinet is naas Kaapstad, Stellenbosch en Swellendam Suid-Afrika se oudste koloniale dorp. Dit is in 1787 deur die Verenigde Oos-Indiese Kompanjie gestig en genoem na die destydse goewerneur van die Kaapkolonie, Cornelis Jacob van de Graaff, en sy vrou, Reinet. Die dorp is nie net bekend vir sy nabye natuurskatte nie, maar ook omdat hier meer geskiedkundige monumente en geboue is as op enige ander dorp of stad in Suid-Afrika.
Slaan jou tentpenne in by twee kampplekke wat jou toegang gee tot die ryke erfenis én natuurskoon van hierdie Karoodorp.
NQWEBA-KAMP
Die Kamdeboo se natuurskoon
Skaars 4 km noord van Graaff-Reinet lê die Kamdeboo- nasionale park aan weerskante van die N9-deurpad. Die hoofhek en die parkkantoor lê links; dis hier waar jy aanklop vir jou toegangs- en verblyfpermit.
Saam met jou permitte kry jy ’n kaart wat die Nqweba-kamp se staanplekke aandui asook ’n brosjure met al die park se doendinge, diere wat jy kan verwag om te sien, en ’n kaart van die hele park. Jy kry ook ’n kode wat jy by onbemande hekke in die park moet inpons om toegang
You’re reading a preview, subscribe to read more.
Start your free 30 days