Virus verander als, ook Saterdae tuis
Hier in my kontrei in die verste suidweste van die land was die mense bedagsaam met toiletpapier; net voor die grendelstaat amptelik geword het, was daar nog specials op yslike pakke dubbellaag by ons Spar.
Toe die nuus op die laaste nippertjie uitlek dat sigarette ook nou verbode is, was dit egter soos ’n sprinkaanplaag en die sillas is tjoeftjaf uitverkoop. Nikotienonttrekking is nou maar ’n bogger en in my huis gaan daar drie
