BLIND & GEBIND
Die spreekwoord sê die liefde is blind en terwyl baie van ons dié uitdrukking figuurlik gebruik, is dit letterlik die waarheid vir die blinde paartjie Frankford en Cindy Williams wat op Valentynsdag vanjaar op Robbeneiland ewige trou aan mekaar beloof het.
Hoewel Frankford (37) en Cindy (34) van Eersterivier in die Kaap mekaar nog nooit “gesien”het nie, is hulle aan mekaar se sy sedert hulle 13 jaar gelede by ’n blinde krieketwedstryd ontmoet het. Die paartjie sê hulle het elke hoek van die ander se hart leer ken en dis al wat vir hulle saakmaak.
Frankford en Cindy was albei nog op skool toe hulle hul sig weens die oogtoestand gloukoom (glaucoma) verloor het.
