MY SWAAR PAD NA DIE SKERM
OP DIE grootskerm bons sy rond met jeugdige energie – sy het ’n huppel in haar stap, swaai haar heupe en dans met die oorgawe van iemand wat gemaklik in haar lyf voel.
Maar al lyk die karakter Lara in die fliek Vergeet my nie asof geen sorge aan haar rem nie, moes die aktrise wat dié rol op die silwerdoek vertolk al ’n swaar, seer pad stap en kon sy allermins ligvoets deur haar jong jare beweeg.
Want Kenley Swart (26) moes ’n lang stryd teen outoïmmuunsiektes voer en vertel dit het haar soms byna ondergekry. Eers het haar liggaam te swak geword vir een van haar gunstelingtydverdrywe – dans – en later moes sy selfs met krukke in die strate van haar tuisstad, Kaapstad, rond-“hinkepink”.
Haar gesondheidstryd was moeilik, erken Kenley,
