Casino Fataal
ALEX raak aan die losgetorringde koperknoop en skuif die draadraambril terug op sy neus. Hy het die mokdossier onder oë gehad met al die agtergronddetail oor die rol wat hy moet speel tydens vanaand se misterieuse “Moord-by-die-partytjie” by die Esmoné-boetiekkelder. Hoe belaglik!
Erger nog is dat dit alles Meline se sotlike idee was dat hy dit bywoon. Met ’n tema soos “Casino Fataal” het hy geweet hy laat homself vir meer in as waarvoor hy kans sien. Hy is moeg gewag vir haar. Moeg om altyd met net die krummels tevrede te wees. ’n Man kan ook net soveel verduur.
Hy dwing die kelkie met die koue komkommersop wrang by sy keel af. Dis veronderstel om die palet skoon te maak. Al wat dit doen, is om hom naar te laat.
Alex staar strak om hom rond. Alles, van die grasperke by die proelokaal tot by die, is prentjiemooi tussen die wingerde teenaan die Bolandse berge geplaas. Vanaand is ekstra moeite gedoen om die verouderingsaal in ’n dobbelhuis te omskep, met vier blackjacktafels en twee rye dobbelmasjiene aan elke kant van die vertrek.
You’re reading a preview, subscribe to read more.
Start your free 30 days