Van 7de span tot 7de hemel
Jacques Nienaber bestempel homself as effe van ’n frats in sy nuwe pos as die Springbokke se hoofafrigter.
In sy jonger dae was hy ’n veel beter langafstandatleet as ’n rugbyspeler. Met meer as net ’n tikkie selfspot sê hy hy het vir Grey se sewende span gespeel, as ’n brandmaer losvoorspeler wat 63 kg geweeg het.
Voor sy aanstelling Vrydag as Rassie Erasmus se opvolger by die Bokke, het Nienaber nog nooit vantevore as hoofafrigter van enige span opgetree nie.
En dis wat ruiterlik laat erken het dat hy as die nasionale hoofafrigter effe uit sy gemaksone is. Hy voel veel meer tuis en op sy gemak as hy op die agtergrond sy ding doen.
