Borsvoeding: BEGIN VROEG!
Vra enige ma wat geborsvoed het, en sy sal jou waarskynlik nie vertel van die ongemak en die pyn wat sy soms moes verduur nie. Sy sal jou vertel hoe sy jare daarna steeds onthou hoe daardie piepklein baba teen haar lyf gelê het, sy mondjie stewig om die tepel gevou, kaakspiertjies hard aan die werk terwyl hy honger weglê aan iets wat haar eie liggaam gemaak het. Ook hoe daardie selfde pap babatjie net ’n paar weke later gereeld tydens voedings na haar opgekyk het, ’n oomblik gerus het terwyl hy haar oog net hier bo hom vang,
