Laaste 21 dae van KRAAMVERLOF

DAG 21

Jy behoort jou baba van vandag af aan ’n bottel bekend te stel. As jy dit nog nie gedoen het nie, skaf ’n borspomp aan en begin dit so gou moontlik gebruik. Besin ook nou oor jou borsvoedingsroetine wanneer jy terug by die werk is. Wanneer gaan jy uitmelk? Waarin gaan jy die melk hou? Waar gaan jy die houer bêre?

In ’n agtuur-werkdag mag jy twee keer per dag vir ’n maksimum van 30 minute op ’n slag uitmelk – dis nou bo en behalwe jou ander toegelate pouses. Dat jy by die werk kan uitmelk, is beslis in jou baba en onregstreeks in jou en jou werkgewer se beste belang.

DAG 20

Jy het sekerlik al besluit wie na jou baba gaan omsien terwyl jy by die werk is. Of dit ’n