Geen struikelblok te groot vir dié SEB-boerdery

LIGGING

Ceres, Wes-Kaap

KORTOM

■ Donkerbos-landgoed het met die hulp van ’n kommersiële banklening Eyethu Intaba saam met 13 van sy sleutelpersoneel begin.

■ Die aandeelhouers het bewese produksie-ondervinding en streef die hoogste standaarde na.

■ Dis waarskynlik beter dat die regering nie die projek finansier nie, want dit laat hulle toe om hul eie gesonde ekonomiese besluite te neem.

Suksesvolle mans, vroue of besighede gebruik die klippe wat oor hul pad kom as boustene vir ’n stewige fondasie, begin mnr. Johnny Karolus, bestuurder van Eyethu Intaba, sy toespraak tydens die Landbouweekblad- PALS-grondsimposium op Ceres.

Dit word gou duidelik by Eyethu Intaba is elke struikelblok – of dit nou hael, ryp, duur finansiering, kontantvloei, stadige opbrengste op beleggings, onbetroubare kragvoorsiening, marktoegang, politieke onsekerheid, burokratiese rompslomp – aanmoediging