Ontmoet die mense
Ben en Sunel Ferreira
Eienaars van Brothers Coffee
Kan jy nou meer: Die naasbeste koffierooster in Suid-Afrika woon ’n hanetree buite Groot-Brakrivier. Ben Ferreira het vroeër vanjaar koffiemoer in die oë van ’n paar vername kalante geskop toe hy in die A Shot in the Dark-kompetisie as naaswenner aangewys is (en as wenner in die afdeling waarin al 43 die deelnemers presies dieselfde groen koffiebone moes rooster om die beste geurprofiel na vore te bring). Deesdae is Brothers Coffee natuurlik een van die gewildste aftrekplekke op die Geurroete.
Ben en sy vrou, Sunel, ’n haarkapper, is al so lank kafeïenverslaafdes dat hulle dikwels vir vakansies na lande gereis het waar koffie verbou word, vernaam in die tien jaar wat hulle in Uganda gewoon het en daarna ook drie jaar in Suid-Soedan, waar Ben in
