Tyd vir boekevat
Saam: ’n Eeu van Suid-Afrikaanse gemeenskapsresepte deur Errieda du Toit
Onthou jy daardie nederige resepteboekies met trefferresepte uit die gemeenskap waarmee skole, verenigings en klubs donkiejare lank geld ingesamel het? Die bekende huiskok Errieda du Toit het 150 van dié boekies bestudeer en as inspirasie gebruik vir hierdie plesierige huldeblyk aan die genre. Haar aanslag is modern en effens tong-in-die-kies, maar die soet en sout gebak, eenskottelwonders, kuier-en nostalgiekos en wêreldgeregte is nog net so smaaklik.
