Pedro laat sy son op ALMAL SKYN
Maak nie saak waar jy Pedro Kruger teëkom nie, sy lewensblyheid en warmte is tasbaar. Hy glimlag hartlik en gee jou sy onverdeelde aandag. “Ek is ’n positiewe mens, ja,” bevestig hy waar ons in ’n koffiewinkel ontmoet. “Dis ’n besluit wat ek jare gelede al geneem het: Gee jou beste kant vir mense.
“Life is good, work is good. As ek kyk wat daarbuite aangaan, voel ek so geweldig geseënd. Soos my werk met Reach for a Dream. Ek bied elke jaar ’n konsert vir hulle aan en het al die hartroerendste, maar ook pragtigste stories gehoor.
“Ek was onlangs in Kimberley by die sesjarige Ané wat kanker het. Sy’s op tweejarige ouderdom gediagnoseer en is die grootste deel van haar lewe siek, maar is die oulikste, mooiste, slimste klein.
