DIE FOTO-ALBUM
“Praat in die vervolg met my prokureur!” JJ slaan haar slimfoon op die tafel neer en tel dit onmiddellik weer op om seker te maak sy het dit in haar woede nie gebreek nie. Dié verdomde egskeiding is besig om haar lewe te ruïneer.
Asof die dag nie sleg genoeg is nie, kom Ben met sy breë glimlag en olierige hare by haar kantoor in. Hy skuur reg langs haar tot stilstand, sy een heup teen die tafel. JJ moet haar stoel agteruit rol om behoorlik na hom te kyk.
“JJ, Darling, maak’n bietjie vir ons hierdie fakture reg.”
Sy beduie dat hy die papiere op haar tafel moet neersit.
Wanneer hy bly staan, tik sy op haar horlosie. “Daar is nie tyd om dit nou reg te maak nie.
