MEERAS KEEN KEER?
Jy sal nooit weer iemand kan liefhê soos die man in jou lewe nie! Jy is oortuig liefde kán vir ewig duur. Jy kan jou eenvoudig nie die lewe sonder hom voorstel nie. Vir jóú is die cliché dat daar vir elke vrou of man net een spesiale persoon is wat vir hom of haar bedoel is, absoluut waar.
Maar skielik is hy weg. En vir die eerste keer begin jy wonder: Kan mens dalk tog twee keer in een leeftyd met volle, onvoorwaardelike oorgawe liefhê?
Vrouekeur wou by Louis Awerbuck, sielkundige en medeskrywer van Ek & jy – verhoudings wat werk, weet of die feëverhaal dat ware liefde bestaan en vir ewig kan duur, waar is.
“Daar is definitief voorbeelde van feëverhale wat met geluk sowel as tydsduur te
