Terapietoeps
Volgens die Wêreldgesondheidsorganisasie (WGO) ly 450 miljoen mense wêreldwyd aan geestes-of neurologiese afwykings – waarvan twee derdes nooit hulp soek nie. Goeie geestesgesondheid hou volgens die WGO met geestelike en sielkundige welstand verband.
Navorsing deur digitale navorsingspesialiste, onefourzero, in Brittanje, toon dat die vraag na toeps vir geestesgesondheid tussen 2014 en 2018 met 566% gestyg het.
“Die ontwikkeling van gesofistikeerde slimfone het nie net die wêreld kleiner gemaak nie, maar dit bied ook aan ons die geleentheid om binne enkele sekondes enige inligting of vermaak te vind,” sê Derika de Villiers, ’n kliniese sielkundige.
“Of ons belangstel om die weerberig in Spanje vir die volgende week te volg, internasionale nuusbrokkies te lees of ’n spyskaart te ontwikkel met net die bestanddele in ons yskas – jou slimfoon kan jou met alles help. Hoekom dan
