Die rocker WORD MAK

‘Ek dink alles wat ek gedoen het in my lewe het bygedra tot wie ek vandag is’

Francois van Coke, die rebelse rocker waarteen baie ouers hul kinders gewaarsku het, is weg. In sy plek is daar ’n gawe metro-man wat dol op sy gesin is. En wat ’n yslike aanhang het as afrigter op die gewilde realiteitsreeks The Voice. ’n Mens gewaar ook gereeld ’n blinkigheid in sy oë wanneer een van die opkomende sangers ’n goeie vertoning lewer.

Ja, erken hy, dis nogal interessant om te sien hoe aanhangers van die program op hom reageer. “Ek praat gereeld met ouers wat 15 jaar terug hul kinders se CD’s verbrand het, maar nou aanhangers is. Fokofpolisiekar was maar net ’n groot skok vir konserwatiewe Afrikaanse mense. En -gehore sien ’n bietjie meer van