Positief oor jou BATES
JARE LANK het die meeste “groter” vroue net in vol swembroeke en boardshorts op die strand verskyn. En enige oogkontak vermy, ook uit vrees dat ’n bekende jou dalk in jou swembroek sien.
Vandag is daar ’n nuwe generasie vroue met voller figure wat in bikini’s rondstap en soveel selfvertroue uitstraal dat ’n mens hulle beny.
So hierdie somer wys ons die obsessie met selluliet en rekmerke en om eksieperfeksie te lyk die middelvinger en fokus eerder op ’n glansende, goed versorgde voorkoms en om jou bates met trots te wys.
Ons is jare lank gebombardeer deur hoe die wêreld dink ons moet lyk. Daar is ook sosiale media-veldtogte met woorde soos #thinspiration - die gebruik van foto’s en aanhalings om ’n mens aan te moedig om gewig te verloor of maer te bly.
’n Kaapse psigiater, dr. Laura Comrie, wat gereeld eetsteurnisse behandel, sê met die groei van sosiale media is daar meer druk op mense om ’n onbereikbare/nie-bestaande beeld van perfeksie na te streef. Kinders van net drie word al ge- body shame omdat hulle vet is. Kinders word groot tussen ouers en vriende wat dieet, en het ook eindelose toegang tot inligting.
Dr. Comrie meen eetsteurnisse soos anoreksie en bulimie neem toe. Die lae selfbeeld van mense wat vatbaar is vir sulke steurnisse, begin gewoonlik reeds in hul kinderjare weens die
