Metroman MARC
‘Ek is op soek na iemand wat mooi is – van binne en buite. En sy moet gedryf word deur liefde, nie drama nie’
Sag op die oog, volwasse, gevat, energiek, slim, avontuurlik, empaties en ’n wêreldreisiger.” Só beskryf ’n persverklaring die nuwe man om wie se aandag vroue in die werklikheidsreeks The Bachelor gaan meeding. En, te oordeel na ons geselsie, is dit nie te ver van die kol nie. O ja, dié 37-jarige lyk nie net ’n bietjie soos Wolverine nie, dit is ook toevallig sy gunstelingsuperheld!
Vertel ons meer van jou kinderjare …
Ek het op ’n klein dorpie in KwaZulu-Natal grootgeword in ’n doodgewone, hardwerkende gesin. Ons het naweke saam aan
