MY KANS OM VOLUIT TE LEEF

HY ONTHOU die dag toe hy homself in ’n donker slaapkamer toegesluit het, verpletter deur die nuus dat hy aan ’n ongeneeslike siekte ly – een wat hom moontlik van alles kan stroop.

“Skielik was my liggaamlike broosheid ’n tasbare werklikheid. En dit het my vrek bang gemaak,” erken André Schwartz oor die diagnose in April 2018 dat hy motorneuronsiekte (MNS) het. Daar in die donker kamer het die besef van sy eie verganklikheid hom tot stilstand geruk. Die lewe het hom by ’n kruispad gebring: Óf hy sou gaan lê óf hy moes terugbaklei.

“Die werklikheid was wreed,” sê die bekende sanger in ’n openhartige onderhoud met . “Niemand weet hoe vinnig ek sal verswak nie – of selfs hoe lank ek sal