POPPIE OP DIE SILWERDOEK
HAAR naam het sinoniem geword met dié van Poppie Nongena, die onvergeetlike hoofkarakter in Elsa Joubert se bekroonde roman wat meer as 40 jaar gelede opslae gemaak het.
Toe Nomsa Nene in 1979 in die hoofrol in die verhoogstuk Die swerfjare van Poppie Nongena verskyn het, was sy een van die eerste swart aktrises op “ ’n wit verhoog” in apartheid-Suid-Afrika.
Daarmee het sy grense verskuif – net soos die roman wat op die ware verhaal van die skrywer se huiswerker, Eunice Nongena, gegrond is en roerend vertel van die ontberings wat sy en haar gesin weens die destydse paswette moes deurmaak.
Terwyl Nomsa haar as bloedjong aktrise een aand in die Markteater in
