這張多彩 ê 恬靜夜空，是今年 冬節 tī 地球 南半球紐西蘭翕--ê 8 分鐘感光相片。向南方看過去，就 tī 相片頂懸遐，會看著恆星 tī 天頂有短短 ê 仝心弧軌跡，踅 地球 ê 南天極 咧行。相片中心 ê 倒爿頂懸，是 南十字星群 ê 軌跡 kah 銀河 ê 烏斑，火炭橐仔星雲。其中，半人馬座 Alpha kah Beta 較光 ê 黃色軌跡 kah 藍色軌跡，反射 tī Otago 半島 ê 南島 ê 太平洋海岸，Hoopers 灣，ê 海面上。12 月 短短 ê 熱天暗暝，南極光 嘛 tī 山崙天頂發出青光 kah 紅光。極光是 頂層大氣 ê 原子 kah 分子 kah 高能粒子相挵了後激發，發出 ê 光。頂層大氣 ê 光，kah 極光無仝。伊出現 tī 相片倒爿頂懸 ê 對角線，是受著 日光激發 產生 ê 連紲化學反應，才會發出淺色 ê 青色輝光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20231223/ 影像：Ian Griffin (Otago Museum) 音樂：P!SCO - 鼎鼎 聲優：阿綠 翻譯：An-Li Tsai (NSYSU) 原文：https://apod.nasa.gov/apod/ap231223.html Powered by Firstory Hosting