Paqe e Mirekuptim ne Kuran

By Kudret Hoxha

Ne kete permbledhje ajetesh (theniesh) nga Kurani eshte trajtuar tema e paqes dhe mirekuptimit mes njerezve. Kurani eshte i plote dhe çeshtjet jane te lidhura ne kohe e permbajtje.

• Language: Gjuha shqipe
• Publisher: Kudret Hoxha
• Release date: Apr 6, 2021
• ISBN: 9781005022082

Kudret Hoxha

A former librarian in his native Albania, now retired, K.S.Hoxha is currently immersed in religious studies and translation of the Koran. He lives in the city of White Plains, New York.

Book preview

PAQE E MIRËKUPTIM NË KURAN

Përgatiti

Kudret Salih Hoxha

2021

Published by K. S. Hoxha at Smashwords

Copyright: 2021kudretshoxha

Smashwords Edition License Notes

Ky edicion është burim i hapur për lexuesit dhe mund të kopjohet, riprodhohet e shpërndahet në formën origjinale.

C:\Users\owner\Documents\Bismillahi clipart.png

Me këtë përmbledhje ajetesh është bërë qëllim tema e dhënë. Porse Kurani nuk kufizohet në numër. Ne e besojmë Kuranin të plotë, mesazh që u erdhi njerëzve, kohë pas kohe, për njëzetë e tre vjet dhe përcolli e do të përcjellë bashkësinë e besimtarëve nga njëra fazë në tjetrën, në rrethana të ndryshme, të ngjashme e kontradiktore, si vetë jeta jonë në këtë botë. Këto pasqyrohen e shtjellohen në Kuran për t’i dhënë njeriut mundësitë të zgjedhë rrugë mesatare e të dobishme. Sikurse thuhet:

وَكَذَٰلِكَ جَعَلْنَاكُمْ أُمَّةً وَسَطًا لِّتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيدًا....

Kështu, ju bëmë një bashkësi të mesme (të udhës së drejtë), të jeni dëshmues ndaj njerëzve dhe i Dërguari të jetë dëshmues ndaj jush..... (2:143)

Ajo që përshkon fillim e mbarim Kuranin është Tema e Besimit me Vepra të Mira. Ç’do çështje tjetër, pa përjashtim, lidhet me të. Krijuesi e bëri njeriun mëkëmbës në tokë, ta mirëmbajë e trashëgojë këtë krijim brez pas brezi.

Zoti i Plotpushtetshëm ka marrë mbi Vete Mëshirën si atribut kryesor që njeriu të jetë i mëshirshëm me krijesat. Dhe thuhet:

وَإِذَا جَاءَكَ الَّذِينَ يُؤْمِنُونَ بِآيَاتِنَا فَقُلْ سَلَامٌ عَلَيْكُمْ ۖ كَتَبَ رَبُّكُمْ عَلَىٰ نَفْسِهِ الرَّحْمَةَ ۖ أَنَّهُ مَنْ عَمِلَ مِنكُمْ سُوءًا بِجَهَالَةٍ ثُمَّ تَابَ مِن بَعْدِهِ وَأَصْلَحَ فَأَنَّهُ غَفُورٌ رَّحِيمٌ ﴿٥٤﴾

Kur të të vijnë ata që besojnë në dëshmitë Tona, thuaj: Paqja qoftë me ju! Zoti juaj ia caktoi Vetes Mëshirën, që, me të vërtetë, nëse ndonjëri nga ju bën një të keqe me padije, pastaj pendohet e përmirësohet, Ai është Falës, Mëshirëplotë. (6:54)

Gjatë misionit profetik, Muhammedi Alejhisselam, paqja dhe bekimet e Allahut qofshin me të, u dha përparësi mëshirës e dhimbsurisë për të tjerët sepse i Madhi Zot e dërgoi mëshirë për botët:

وَمَا أَرْسَلْنَاكَ إِلَّا رَحْمَةً لِّلْعَالَمِينَ ﴿١٠٧﴾

Ty të dërguam mëshirë për botët. (21:107)

_____

PAQE E MIRËKUPTIM

NË KURAN

بِسْمِ اللَّهِ الرَّحْمَٰنِ الرَّحِيمِ

Bismil-Láhir-Rahmánir-Rahím

Me Emrin e Zotit, Mëshiruesit të Madh, Mëshirëplotit.

وَلِكُلٍّ وِجْهَةٌ هُوَ مُوَلِّيهَا ۖ فَاسْتَبِقُوا الْخَيْرَاتِ ۚ أَيْنَ مَا تَكُونُوا يَأْتِ بِكُمُ اللَّـهُ جَمِيعًا ۚ إِنَّ اللَّـهَ عَلَىٰ كُلِّ شَيْءٍ قَدِيرٌ ﴿١٤٨﴾

Secili ka një drejtim nga është kthyer; pra, konkurroni në vepra të mira! Kudo që të jeni, Zoti do t’ju mbledhë të gjithëve. Zoti është mbi çdo gjë Pushtetplotë. (2:148)

إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنفَعُ النَّاسَ وَمَا أَنزَلَ اللَّـهُ مِنَ السَّمَاءِ مِن مَّاءٍ فَأَحْيَا بِهِ الْأَرْضَ بَعْدَ مَوْتِهَا وَبَثَّ فِيهَا مِن كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالْأَرْضِ لَآيَاتٍ لِّقَوْمٍ يَعْقِلُونَ ﴿١٦٤﴾

"Me të vërtetë, në krijimin e qiejve dhe të tokës, ndryshimin e natës dhe të ditës, anijen që lundron në det me ç’përfitojnë njerëzit, shiun që Zoti ka bërë të bjerë nga qielli duke i