Ek Thor Vijeta : Samrat Ashok

By M.M. Chandra

सम्राट अशोक लहानपणापासूनच जिज्ञासू आणि शूर होता. त्यामुळे त्याचे वडील सम्राट बिंदुसार शिकारीला जाताना त्याला नेहमी सोबत नेत असत. अशोकची आई राणी धर्मा त्याच्यावर खूप प्रेम करीत असे, पण त्याचा मोठा भाऊ सुशीम मात्र त्याचा तिरस्कार करीत असे.
अशोकाने आपले जीवन कधीही निष्क्रिय राहू दिले नाही आणि अतिशय दयाळूपणाने जनतेची सेवा केली. त्यामुळे राज्यातील जनतेने त्याला भरभरून प्रेम दिले. सम्राट अशोकाने एकीकडे आपल्या आजोबाच्या विस्तार नीतीचा अवलंब केला तर दुसरीकडे वडील बिंदुसाराच्या मैत्रीपूर्ण धोरणाचाही वापर केला.
अशोकाने कलिंगचे राज्य पुन्हा मौर्य साम्राज्यात विलिन करण्यासाठी प्रयत्न केले. कारण कलिंग आधीपासूनच मौर्य साम्राज्याचा भाग होता.कलिंगच्या राजाने मात्र अशोकाचा प्रस्ताव नाकारला आणि अशोकाला नाईलाजास्तव आपली तलवार उचलावी लागली. या युद्धामध्ये झालेल्या लाखो लोकांच्या मृत्यूमुळे अशोकाचे मन परिवर्तन झाले. त्याने बौद्ध धर्माचा स्वीकार करून मानव कल्याणाचे धोरण स्वीकारले.

• Language: मराठी
• Publisher: Diamond Books
• Release date: Oct 27, 2020
• ISBN: 9789352615841

Book preview

कामगिरी

सम्राट अशोक

सम्राट अशोक लहानपणापासूनच जिज्ञासू आणि शूर होता. त्यामुळे त्याचे वडील सम्राट बिंदुसार शिकारीला जाताना त्याला नेहमी सोबत नेत असत. अशोकची आई राणी धर्मा त्याच्यावर खूप प्रेम करीत असे, पण त्याचा मोठा भाऊ सुशीम मात्र त्याचा तिरस्कार करीत असे.

अशोकाने आपले जीवन कधीही निष्क्रिय राहू दिले नाही आणि अतिशय दयाळूपणाने जनतेची सेवा केली. त्यामुळे राज्यातील जनतेने त्याला भरभरून प्रेम दिले. सम्राट अशोकाने एकीकडे आपल्या आजोबाच्या विस्तार नीतीचा अवलंब केला तर दुसरीकडे वडील बिंदुसाराच्या मैत्रीपूर्ण धोरणाचाही वापर केला.

अशोकाने कलिंगचे राज्य पुन्हा मौर्य साम्राज्यात विलिन करण्यासाठी प्रयत्न केले. कारण कलिंग आधीपासूनच मौर्य साम्राज्याचा भाग होता.कलिंगच्या राजाने मात्र अशोकाचा प्रस्ताव नाकारला आणि अशोकाला नाईलाजास्तव आपली तलवार उचलावी लागली. या युद्धामध्ये झालेल्या लाखो लोकांच्या मृत्यूमुळे अशोकाचे मन परिवर्तन झाले. त्याने बौद्ध धर्माचा स्वीकार करून मानव कल्याणाचे धोरण स्वीकारले.

ज्या प्रमाणे मौर्य राज्याचे महामंत्री चाणक्य यांनी चंद्रगुप्ताला प्रत्येक वेळी मदत केली, त्याचप्रमाणे चाणक्याचे शिष्य राधागुप्त यांनीही सम्राट अशोकाचे सेनापती होऊन अशोकाला महान बनविण्यामध्ये महत्त्वाची भूमिका बजावली.

मला आशाच नाही, तर पूर्ण खात्री आहे की, हे पुस्तक वाचत असताना तुम्हाला जास्तीत जास्त रोमांचक माहिती मिळेल.

सम्राट बिंदुसार

‘महाराजांचा विजय असो’,दूताने सम्राट बिंदुसाराची (सम्राट अशोकाचे वडील) झोप मोडण्याचा प्रयत्न करीत म्हटले.

‘काय घडले आहे, दास? इतक्या सकाळी सकाळी मला जागे करण्याचे काय कारण आहे? ’ सम्राट बिंदुसार त्या दूताला रागाने म्हणाला.

‘क्षमा असावी, महाराज.राणी धर्माला तुम्हाला तातडीने भेटायचे आहे. मी त्यांचाच निरोप घेऊन तुमच्याकडे आलो आहे.’ मान खाली घालून तो दूत महाराजांच्या निर्णयाची वाट पाहू लागला.

‘महाराज, राणी धर्मा (सम्राट अशोकाची माता) बैठकीत येऊन बसली आहे.