SUV vir ’n boervrou 7
Toe Landbouweekblad vyf boervroue nooi om sewe sportnutsvoertuie in vier uitdagings te beproef, het hulle nie gehuiwer nie.
Amoné Kriek van Balfour, Anneri Lindeque van Mbombela en Elisca Pistorius van Val – almal in Mpumalanga – Esri Meintjès van Viljoenskroon in die Vrystaat en Jolandie Malan van Pretoria, Gauteng, het die voertuie op ’n 4x4-baan, in ’n spoedtoets en ’n remtoets op grondpad, asook ’n teertoets gery.
Hierdie toetse was ’n goeie verteenwoordiging van die toestande wat boervroue daagliks moet baasraak wanneer hulle kinders skool toe ry, op die plaas help of gou dorp toe moet gaan vir proviand.
Hulle is dus meer as bekwaam om ’n mening te hê oor hoe die sportnutsvoertuie vaar. Daarby het hulle ’n oog stewig op hoe prakties so ’n kar vir die hele gesin is.
Wat die vroue se se -dag by die Sandwani-wildplaas gekenmerk het, is hul weldeurdagte en eerlike beoordeling van elke voertuig. Hulle het wel hul gunstelinge gehad, maar was oopkop oor dié handelsmerke waarmee hulle minder vertroud was en het elkeen se goeie punte raakgesien.