Die meeste boervroue het nie tyd om te mors nie – daar is dinge wat gedoen moet word: Kos moet landerye toe, dalk ’n kunsmissak of twee in die kattebak laai, en dan dorp toe vir kinders, onderdele, proviand koop . . . Want almal weet sy-aan-sy met elke suksesvolle boer staan ’n boervrou wat sorg dat die ratte van die boerdery geghries bly, óf sy boer self terwyl sy haar moederlike pligte nakom.
Vir dié ma’s is die regte wa net so belangrik soos die regte stroper of Pa se bakkie, want die paaie wat hulle daagliks ry, wissel van tweespoor-4x4paadjies tot grondpaaie, slaggatbesaaide plattelandse teerpaaie en dorpspaaie. En die vrag wat hulle vervoer, is die boerdery se heel kosbaarste – die boer se kinders.
Vroue kyk egter anders na karre. Heel boaan hul lys is dat hy prakties moet wees vir dit wat hulle wil doen. Kinders se skooltasse moet vinnig in en uit ’n kattebak wat ruim genoeg vir tasse, sportsakke en inkopies is, gelaai kan word.
In die kajuit moet spasie wees