SUV vir ’n boervrou 4
Sportnutsvoertuie in Suid-Afrika is soos ’n huisie by die see: Almal wil een hê. Vra jy egter ’n boervrou oor só ’n voertuig, sê sy sy stel nie belang in een wat op sypaadjies kan klouter, ander voertuie by winkelsentrums uit die hoogte intimideer of drie-en-’n-halwe fietse op ’n Sondag na die naaste bergfietsbaan karwei nie.
Vir die plaasvrou moet hy skooltasse én sakke kunsmis kan laai. Hy moet goed op grondpad vaar, selfs al is sy haastig, en woema gee op teer. Dan verwag sy ook hy moet ongelyke terrein mak maak. En natuurlik: As hy mooi lyk terwyl hy dit doen, soveel te beter.
Hoewel sportnutsvoertuie in die algemeen gewild is in Suid-Afrika, is veral dié in die bakkie-gegronde segment volop op die paaie, met die Toyota Fortuner en Fort Everest wat onder Suid-Afrikaanse kopers koning kraai.
Daar is egter een wat dit reggekry het om van die kantlyn af die vroue by se SUV vir ’n boervrou-dag met
