Dit is vreemd dat ’n mens in die Suid-Afrikaanse konteks genader word om ’n haelgeweer-herlaaipers vir ’n tydskrif te toets. Dit lyk asof die klokkie gelui het by die invoerders. Die rede is dat haelpatrone se pryse die hoogte ingeskiet het en invoerders noodsaak om perse in te voer. Ons kan net hoop dat dit ook sal gebeur met alle komponente benodig vir die herlaai van haelpatrone.
My raad aan mense wat wil begin haelpatrone herlaai, is gewoonlik om met ’n enkelstasiepers te begin. Sodoende raak ’n mens eers gekonfyt met die verstellings betrokke by elke stasie, in teenstelling met die progressiewe perse, wat ses stappe gelyk verrig. Indien een van die stappe nie reg opgestel is nie, kan dit ’n ramp afgee. Om ’n multistasiepers doeltreffend te gebruik, verg dus ’n
