POSBUS 1802, KAAPSTAD 8000; e-pos: lbw@landbou.com
Tabak vs. dagga
Toe ek ’n kind was, het byna alle volwasse mans gerook. Ongelukkig heelwat vroue ook. Daar is snaaks gekyk na mans wat nié gerook het nie. Party mense het selfs in hul slaapkamers gerook en, onbewus van die onbedagsaamheid, soms ook aan die eettafel en voor kinders. Ook in motors met toe vensters. Dit was alles aanvaarbaar.
Seuns het vroeg-vroeg vir Pa en Oupa agter die kraalmuur gaan na-aap. Perdemis en sommige soorte blare moes as tabak in handgemaakte pype dien.
Onthou u nog van die advertensies uit ons kinderdae, soos “Men of the world smoke Max!” en ander wat hul produkte besing het. Spies van Oudtshoorn se pyp- en pruimtabak in ’n katoensakkie wat jy kon hergebruik was net so wêreldbekend as die volstruise van daardie omgewing.
Met die jare het dinge verander en al hoe meer mense het bewus geraak van die gesondheidsgevare wat rook inhou. Dit het mode geword om nie te rook nie en die staat het toegewyd gehelp om dié ongesonde en selfs gevaarlike gewoonte vir sommige mense te bekamp.
Nou berig die Wêreldgesondheidsorganisasie (WGO) tevrede dat die getal rokers steeds daal. In 2022 het een uit elke vyf volwassenes gerook. Dit is