MIN ander werkplekke het so ’n mooi uitsig, maar tog het die plek waar Oleg Kononenko sy brood verdien ook baie nadele.
Hy leef van gevriesdroogde maaltye. Hy moet hom aan die toilet vasmaak sodat hy nie opstyg voor hy klaar is nie. Hy moet staan-staan slaap. Sy gesin is ’n ruimtereis ver.
Want Oleg se werkplek is sowat 400 km bokant die aarde.
Sy werk is iets om op trots te wees. Die 59-jarige Oleg is nie sommer enige ruimtereisiger nie. Hy is nou die mens wat al die langste in die ruimte was.
Teen 4 Februarie vanjaar, toe die rekord aangekondig is, was hy reeds altesaam 879 dae in die
