DIS stil in die Babbelboomhuis.
“A-a-a-tiesjoe!” nies Paloeka die leeu. “Die toiletpapier kielie my neus,” sê hy en giggel. Palawa die kameelperd lag ook.
“Ek kan niks sien nie,” sê Paloeka en steek sy hande voor hom uit terwyl hy deur die boomhuis strompel.
“Nee wag, staan stil,” sê Palawa.
Sy draai Paloeka met toiletpapier toe.
Bibi kom by die boomhuis aan. “Skuus julle, ek is jammer ek is laat. Ek het verslaap en toe vat alles langer as gewoonlik,” begin Bibi verduidelik. Sy sien nie dadelik haar twee dieremaats nie, maar toe sy omdraai, staan hulle agter haar.
“Aaa!” gil sy toe sy Paloeka
