Hoe werk ’n duikboot?
WAT maak die Babbels dan nou hier in die boomhuis?
Hulle speel ’n speletjie terwyl hulle vir Bibi sit en wag.
“Wie gaan eerste?” vra Palawa die kameelperd.
“Kom ons gaan gelyk,” sê Paloeka die leeu.
Die twee begin tel. “Een, twee, drie …”
Op daardie oomblik stap Bibi by die boomhuis in.
“Hallo, julle!” roep sy.
Maar niemand antwoord nie.
Paloeka en Palawa sit net met groot oë – hul monde is bottoe. Hulle groet nie eens vir Bibi nie.
“Hallo? Julle? Kan julle my nie hoor nie? Ek sê hallo!” sê Bibi weer.
Skielik blaas Paloeka en Palawa gelyk hul asem uit.
“Jammer, Bibi,” hyg Palawa. “Ons het
