PALOEKA die leeu is opgewonde en vol energie. Hy het skelmpies na die boodskap geluister wat ’n maatjie vroeër die oggend ingestuur het, en hy kan hom skaars inhou. Die vraag gaan oor een van sy gunstelinggoed.
“Bibi, Palawa, kom. Hier is ’n boodskap met ’n vraag, en ek kan nou nie meer wag om daarna te luister nie,” sê Paloeka.
“Ons kom, maggies,” sê Palawa die kameelperd.
“Sjoe, maar jy is omtrent haastig vandag,” sê Bibi. Sy vee haar hare uit haar gesig en speel die maatjie van die
