KOUE voete op jou troudag is nie ongewoon nie – maar in dié geval was dit letterlik. Paul van Dyk en Carli Andringa het op die koudste plek op aarde getrou: Antarktika. Die temperatuur op die heuglike dag? ’n Verstommende -25 grade.
Die wind het gehuil, vertel Paul (31) oor hul troudag in die ysige koue. “Ek kon nie behoorlik dink nie, want ek was so gefokus op die koue.”
Maar die oomblik toe hy Carli (31) oor die ys sien aanstap in haar pragtige trourok, het sy hart warm geklop.
“Sy het so mooi gelyk,” vertel hy. “En toe staan sy langs my en hou my hande vas.”
Carli erken dit was ’n bietjie van ’n uitdaging
