‘EBEN-HULLE HET LETTERLIK ONS STEMME GEVOLG EN ONS TOE HERKEN VAN DIE HUIS AF’
HULLE het as’t ware die klankbaan van Bokrugby geword.
Oral waar ons nasionale span speel of waar aanhangers saamtrek, hoor jy hul ritmiese en meesleurende sang opklink. Siya Kolisi en die ander Bokke sing en dans soms spontaan saam. En as jy hulle nog nie self in lewende lywe raakgeloop het nie, is die kans goed dat jy hul liedjies al in talle video’s op sosiale media gehoor het.
Hulle noem hulself die Gwijo Squad en die liedere wat hulle sing, is so inheems soos die Groen-en-goed.
Maar Gwijo-musiek is allermins net sinoniem met dié musiekbeweging of met rugby. Dis ’n musiektradisie wat diep met die Xhosa-kultuur verweef is.