Feesrooi tot partytjiepienk. Elegant gestrik, en frille, valle en pêrels wat glinster. Hierdie feesseisoen is klassiek met sensasionele silhoeëtte, maar daar’s ook plek vir pret en blinkers wat baljaar
SEE-ELEMENTE
Juweliersware put inspirasie uit die onderwaterse koninkryk met organiese vorms, oorgroot skulpe en pêrels.
Oorgroot skulpoorbelle van koper met varswaterpêrels en granaatsteen (prys op aanvraag), Down to Earth Jewellery. Rooi top met driekwartmoue en groot strik (prys op aanvraag), ERRE. GROOTTES Top: 30 – 42
KERSKRANS VAN GEVULDE EIERS
Een van die lekkerste maniere om ’n koel Kersfeeskuier mee te begin. Sit voor met ’n glas yskoue vonkelwyn.
genoeg vir 6
■ 100 g spekblokkies
■ 12 eiers
■ 30 ml geroomde peperwortel (creamed horseradish)
■ 125 ml mayonnaise
■ 6 agurkies, gerasper
■ 2 takkies dille, fyngekap
■ sout en varsgemaalde swartpeper
■ 6 radyse, papierdun gesny
Verhit braaipan tot warm en droogbraai spekblokkies tot goudbruin en bros. Kap baie fyn en hou eenkant. Bring groot pot met water tot kookpunt en plaas eiers in water sodra dit begin kook. Kook vir 12 minute vir harde eiers. Laat eiers afkoel en dop af. Halveer eiers en skep
