DEK JOU TAFEL SÓ
Potte van melkglas is sag en nostalgies. Deesdae kry jy dit in moderne vorms by dekorwinkels, maar die beste bly die potte uit jou ouma se kas of die winskopies wat jy op markte vir antiekware raakloop. Enkelstamblomme in potjies saam gegroepeer lyk mooi.
Laat jou tafel blom met ’n geblomde tafeldoek van stywe katoen of linne. Gebruik sommer doodgewone kombuisvadoeke as servette en laat jou gaste dit huis toe neem as geskenke. Onss s’n kom van MRP Home en kos R69,99 vir ’n stel van 3.
BYKOMSTIGHEDE
Alle breekware en eetgerei gebruik vir die fotosessie is van Omada, beskikbaar by lavishd.com
Meng en pas borde in sagte pastelle om die tafel meer informeel te maak. Jy kan dieselfde formule volg en ’n tafeldoek met patrone en ’n neutrale een kombineer. Dit maak alles dadelik meer feestelik.
Fyn, dun glase staan beslis weer hul plek vol aan tafel. Maar vergeet van reëls, ’n wynglas werk net so lekker vir gin & tonic en vonkelwyn.
VONKELWYN AS BESTANDDEEL
Die geure van
