NAMIBIË
KAVANGORIVIER
Die hoofdorpe hier (met brandstof, winkels en OTM’s) is Divundu en Rundu.
139 Taranga Safari Lodge
Langs die B10 sowat 35 km wes van Rundu. Die kampterrein is op gras en elke staanplek het ’n lig, kragpunt, kraan en braaiplek. Kamp is R300 p.p. En suite-tentchalets met ’n private dek. Vanaf R2 230 p.p. wat deel, met aandete en ontbyt. Hier is ’n restaurant en ’n kroeg wat op die rivier dryf. Vra oor afslag vir SAOG-burgers wanneer jy bespreek.
00 264 81 718 1966
taranganamibia.com
140 Hakusembe River Lodge
Langs die rivier, 16 km wes van Rundu. Hier is kampplek met eie ablusiegeriewe teen R295 p.p. en chalets – pryse begin by R2 735 p.p. wat deel, met ontbyt. Jy kan tiervis vang (R250 p.p. per uur) of op ’n bootrit gaan teen sonsak (R400 p.p.) Afslag met ’n Gondwana-kaart.
00 264 61 427 200
gondwana-collection.com
141 Kaisosi River Lodge
Op die oewer van die Kavangorivier, sowat 7 km noordoos van Rundu. Die 16 staanplekke (met krag) het elkeen sy eie badkamer en braaiplek: R160 p.p. Verblyf vanaf R1 635 p.n. vir ’n dubbelkamer tot R2 205 p.n. vir ’n gesinskamer (plek vir 4), met ontbyt. Bootvaart R140 p.p.
00 264 81 249 5090
kaisosiriverlodge.com
142 Shankara-ruskamp
Op die oewer van die Kavangorivier, sowat 80 km oos van Rundu op die B8 na Katima Mulilo. Kampplek (met krag) onder groot skadubome R120 p.p. Selfsorgchalets (slaapplek vir 2 tot 6 mense): vanaf R300 p.p. (gratis vir kinders jonger as 15).
Hier is ’n swembad en ’n dek wat oor die rivier uitkyk. Shankara is bekend vir visvang (tiervis, kurper en barber). Hengeluitstappies (maks. 4 mense), sonsondergang-, voël- en wildkykuitstappies (maksimum 10 mense) – R550 per uur.
00 264 81 240 2933
shankararestcamp81@gmail.com
shankararestcamp.com
143 Shamvura Camp
Sowat 82 km wes van Divundu.
Shamvura het 1 kothuis, 4 tenteenhede en 6 kampplekke. Al die eenhede en die kampplekke het krag. Kamp: vanaf R210 p.p. vir ’n gewone staanplek, R230 p.p. vir ’n private staanplek of R260 p.p. vir ’n private staanplek met ’n kombuisie. Die selfsorgtente kos R520 p.p. (2 eenhede het slaapplek vir 2; 2 het slaapplek vir 4). Die TreeTop Cottage is toegerus vir