DIE gevolge van die voëlgriep-epidemie gaan wyd uitkring, met die voerbedryf, en daarom ook die graanbedryf, in die voorste linie. Daar is egter ’n magdom ander bedrywe wat geraak word, van vervoermaatskappye wat daagliks eiers vervoer, verskaffers van verpakkingsmateriaal en benodigdhede vir hoenderhuise, tot ondernemings wat eiers nodig het vir gebak.
Teen begin Oktober is 7,5 miljoen hoenders vanjaar weens uitbrekings van die H5N1- en H7N6-stam van voëlgriep verloor, waarvan die meeste weens die laasgenoemde nuwe, uniek Suid-Afrikaanse stam.
Sowat 5 miljoen hiervan was lêhenne, uit ’n nasionale trop van 29 miljoen. Dit het veroorsaak dat leë tafeleierrakke in veral Gautengse winkels ’n algemene gesig is.
Dit is in Gauteng en in buurprovinsies waar die H7N6-virusstam sedert Junie soos ’n veldbrand versprei. Waar eiers wel beskikbaar is, het pryse die hoogte ingeskiet.
Teelplase vir lêhenne en braaihoenders is ook getref. In totaal is minstens 200 000 teelhoenders vir lêhenne en 2,5 miljoen vir braaihoenders verloor.
Dit veroorsaak groot kommer oor ’n tekort aan hoendervleis en oor hoe lank dit gaan duur om lêhenne te vervang.
Izaak Breitenbach van die Suid-Afrikaanse Pluimveevereniging (SAPV) sê dit kan 6 tot 18 maande duur om al die verlore hoenders
