LYF-ILLUSIES
Spog met jou middel
’n Belt is een van die maklikste maniere om enige look goed afgerond te laat lyk. Omdat ’n belt die aandag na jou middel toe trek, is dit ook ’n goeie truuk om dié area te beklemtoon en definisie aan jou kurwes te gee. Dit balanseer boonop ’n voorkoms wat andersins dalk nie sou werk nie, soos ’n lang jersey met ’n midi-skirt. As jy ’n tikkie glam by jou voorkoms wil voeg, kies ’n metaalbelt.
Toor met ruche
Ruche-style is wonderlik om die illusie van kurwes mee te skep. Op strategiese plekke geplaas, vlei die materiaal die natuurlike vorm van jou lyf. Ruche is oral te sien, van rokke en skirts tot in opvallende bloese. Moenie bang wees om pret te hê met die styl nie, en helder patrone te kies soos dié gas by die New Yorkse Modeweek. Dit sal ’n modestelling maak.
Skouerkussings
Shoulder pads is terug met mening en het vanjaar by modevertonings van onder meer Stella
