‘KYK net hierdie lekker pruik,” roep Paloeka die leeu en sit die oranje pruik op sy kop. “Hoe lyk ek met oranje hare?” vra hy laggend.
“Ek wil ’n seerower wees,” sê Bibi en grawe in die boks. “Palawa, sal jy vir my ’n snor teken?” vra sy en soek na ’n swart koki-pen.
“Sekerlik,” sê Palawa die kameelperd en staan nader. “Sjoe, Paloeks, daai oranje hare trek nogal aandag hoor,” sê sy. “Niemand sal jou miskyk nie.”
Die drie maats in die Babbelboomhuis maak gereed vir ’n kostuumpartytjie.