DIE jaar was 1993 en sy het alle rede gehad om in die wolke te wees.
Sy het pas haar debuut vir Suid-Afrika se nasionale vrouesokkerspan gemaak – en dit nogal op die ouderdom van 30. Boonop het sy drie doele aangeteken in Banyana Banyana se verpletterende sege van 14-0 oor Swaziland in Johannesburg.
Toe, op pad terug Kaap toe, kry die minibustaxi waarin sy gereis het ’n pap band en sy daag laat op vir haar werk by ’n vleismark in Soutrivier. “Hulle het my summier afgedank – gesê ek het gedros. So ek was toe drie jaar sonder werk.”
Vandag glo Desiree Ellis dit was ’n bedekte seën. “Ek sal nie sê ek het nie omgegee nie. Maar, man, ek het my droom uitgeleef om vir die nasionale span te speel.”
G’n mens