BAIE groot manne met dik boarms sal gou hul moses teëkom as hulle teen dié tiener te staan kom.
Lizette Bester is net 17, maar sy kan 125 kg lig in hurksit, 62,5 kg bankdruk en 150 kg dooiegewig optel. En sy oefen al sedert sy nege was!
Die tuisgimnasium in Johannesburg waar sy en haar pa, Kobus, saam oefen, is ’n besige plek. Gewigte, stange en gewigoptelgordels lê die wêreld vol. Die mure is van die vloer tot die dak gevul met sertifikate, trofeë en medaljes.
Maar steeds is Kobus en Lizette honger vir nog trofeë. Dié pa en dogter gaan daarvan werk maak wanneer hulle van 31 Oktober tot 5 November aan die Wêreldkampioenskapstoernooi vir
