![f050-01.jpg](https://article-imgs.scribdassets.com/623kcadtxcbe340o/images/fileNQ2CAF28.jpg)
![f050-02.jpg](https://article-imgs.scribdassets.com/623kcadtxcbe340o/images/file981S2D31.jpg)
![f050-03.jpg](https://article-imgs.scribdassets.com/623kcadtxcbe340o/images/file4KNJDY7L.jpg)
![f050-04.jpg](https://article-imgs.scribdassets.com/623kcadtxcbe340o/images/file4GURLUTE.jpg)
![f050-05.jpg](https://article-imgs.scribdassets.com/623kcadtxcbe340o/images/fileN24UDREK.jpg)
![f051-01.jpg](https://article-imgs.scribdassets.com/623kcadtxcbe340o/images/fileH7QU5K70.jpg)
![f050-06.jpg](https://article-imgs.scribdassets.com/623kcadtxcbe340o/images/fileZ82IF4WZ.jpg)
![f050-07.jpg](https://article-imgs.scribdassets.com/623kcadtxcbe340o/images/fileVUOQ9HMV.jpg)
![f050-08.jpg](https://article-imgs.scribdassets.com/623kcadtxcbe340o/images/fileWHKGNUQI.jpg)
SA is vol plantjuweeltjies – jy moet net jou oë oophou
Leon Kluge, internasionale landskapsontwerper en botanis
As Leon Kluge die dag “bietjie soos ’n aap” op die hoofweg ry, kan jy maar weet sy oë is nie op die pad nie – hy is besig om te kyk watter juweeltjies daar iewers langs die pad tussen die gras groei.
Leon het al die wêreld se voorste internasionale landskapskompetisies gewen en vir baie beroemdes (onder wie Brad Pitt) tuine ontwerp en uitgelê, maar hy raak steeds kinderlik opgewonde oor die kleinste plantjie – of dit nou ’n fynbosblommetjie of een van ons land se vele unieke inheemse wortels (’n persoonlike passie) is. Hy móét dit van nader bekyk. En hy deel dikwels fassinerende video-stories oor sy vondste op sosiale media.
Dis maar sy manier om mense se belangstelling in ons wonderlike planteryk te probeer prikkel, sê hy. “Dit gaan nie net oor die plant self nie, maar ook sy interaksie met sekere diere, soos ’n insek of ’n voëltjie. Dan raak die storie éérs interessant. Ek leer self nog elke keer, en hopelik leer iemand anders