DIS ’n luilekker Sondagmiddag hier op die plaas naby Hartbeespoort, en soos dit hoort, brand die braaivleisvuur al hoog.
Maar die twee Du Plessis-broers is nie van die soort wat kan stilsit en in die vlamme tuur nie. Hulle kamma-boks en -stoei eers so ’n bietjie terwyl hulle wag dat die res van die familie opdaag.
Dit gaan met ’n gespot en gelag gepaard, maar jy kan nie help om te wonder wat sal gebeur as een van daardie speelse houe dalk per ongeluk tref nie.
Want die jonger broer is Dricus du Plessis (29), wat van Abu Dhabi en Londen tot Las Vegas as “Stillknocks” bekendstaan. Hoekom? Omdat sy vuiste jou aan die slaap kan sus.
Vra maar vir