PALAWA die kameelperd sit in die hoek. Sy is besig om koerant te lees, want sy hou baie daarvan om te weet wat in die wêreld rondom haar aangaan. Boonop is sy baie lief vir lees.
“Hallo, Palawa,” sê Paloeka die leeu.
“O, piesangskil, dit is erg,” sê Palawa en skud haar kop.
“Wat nou? Waarvan praat jy?” vra Paloeka. Palawa kyk op en sien vir Paloeka.
Bibi kom ook by die boomhuis ingeklim.
“Julle sal nie glo wat ek nou net gelees het nie,” sê Palawa
