WAT doen ’n mens as ’n WhatsAppgroep waaroor jy erg is, jou eendag uitboender?
Jy sleep hulle hof toe. Altans, dis wat ’n man van Uganda onlangs gedoen het – met verrassende gevolge.
Jy kan skaars glo dat iemand oor so iets regsaksie sou neem, maar elke land het blykbaar sy strydlustiges.
Ons kyk na dié onlangse saak, asook ’n paar ander vreemde oorsese hof sages wat al opslae gemaak het.
LAAT MY TERUG IN DIE GROEPIE!
Herbert Baitwababo van Uganda was ’n lid van ’n WhatsApp-groep genaamd Buyana My Roots, wat geskep is deur Allan Asinguza, ’n sakeman.
Hul verhouding het versuur toe Herbert in Mei vanjaar Allan se bestuur van die groep be-vraagteken het. Pleks van op
