Dreinering
Op een van die natste plase op KwaZulu-Natalse suurveld kon dreinering die gemiddelde opbrengs van sojabone met 35% verbeter en dié van mielies met 25%.
Die indrukwekkendste verbetering is op die ALS-Boerdery se plaas Buffalo by Newcastle behaal.
Gewasse waarvan die “voete” vir lang tye nat is, is gedoem, want die wortels kry nie suurstof nie en verrot ná ’n tyd. Gevolglik versuip daardie plante en die boer lei groot verliese of word selfs deur ’n algehele misoes in die gesig gestaar.
Die lot van versuipskade het die ALS-Graanafdeling van Thys Joubert naby Newcastle teruggehou. Dit is deel van ALS Agri wat deur hom en verskeie familielede besit word, en wat in 2022 as Landbouskrywers SA se Nasionale Boer van die Jaar bekroon
