DIS een van die eienaardigste stories in Suid-Afrika se geskiedenis: ’n vrou wat dekades lank vertel sy het ’n liefdesverhouding met ’n buiteaardse wese.
Elizabeth Klarer is dalk vandag nie meer so wyd beroemd nie – sy is in 1994 dood – maar in die 1980’s het die Suid-Afrikaanse media gereeld kopgekrap oor haar vreemde bewerings.
Sy het nie gelyk soos iemand wat bogstories sou opmaak net om aandag te kry nie – sy was van ’n welaf familie in KwaZulu-Natal en ’n opgevoede vrou, met ’n kwalifikasie in meteorologie van die Universiteit van Cambridge.
Maar sy het volgehou sy het sedert die 1940’s kontak met vlieënde pierings en dat sy deur die jare ’n verhouding aangeknoop het met een van
