MET sy vlamrooi hare kan niemand hom op die rugbyveld miskyk nie. Hy is ’n rots in die skrum, en twee jaar lank was hy die gom wat die Stormers bymekaargehou het.
Die rugbyheld Steven Kitshoff (31) word as een van die beste loskopstutte in die wêreld beskou, en as kaptein het hy die Kaapse span na nuwe hoogtes gelei. Maar weg van die veld is dit nie noodwendig Steven se rooi hare óf talent wat jou laat vassteek nie.
Dit is die beeldskone vrou langs hom, Aimee (33), met haar glimlag, golwende hare en sprankelende persoonlikheid wat jou twee keer laat kyk.
“Hallo!” groet sy toe ons die Kitshoffs in ’n koffiekroeg in Kaapstad ontmoet.
Dit is die Sondagoggend voor Steven later die middag moet terugkeer na Pretoria, waar hy aan ’n Springbokoefenprogram deelneem. Hy was vir die naweek hier om Aimee te sien en tyd saam met haar deur te bring voor dinge begin besig raak in die aanloop tot vanjaar se Wêreldbekerrugbytoernooi wat in September in Frankryk afskop.
Aimee sprankel in haar swart uitrusting by knielengtestewels terwyl Steven skugter glimlag.
Die tyd in hul geliefde Moederstad raak min,