Aktueel Droogte
Die winterreëngebied van Namakwaland het in die laaste week van Mei reën gekry, op baie plekke meer as ’n outydse duim. Maar sonder gereelde opvolgreën tot in September beteken dit ongelukkig nie die einde van die droogte wat al vir ses jaar daar heers nie. Dit bring darem hoop en doen wondere vir boere se gemoed, sê Johan Coetzee van Doornkraal, Garies.
Hy hoop die reën wat verder voorspel word, realiseer. Soos vele ander boere in Namakwaland wat hul vee in die somer na plase in die Boesmanland neem, was dit nie die afgelope somer vir hom ’n opsie nie.
“Óf die Boesmanland het ons deurgedruk óf Namakwaland, maar hierdie klompie jare is dit alkant wat hy so lyk.”
Hy sê dit is moeilik om te glo hoeveel bosse gevrek het.
“Dit is nou sommer lelik hier. Dit lyk amper die wêreld het gebrand, so swart is hy.”
Omstandighede het dit vir hom onnodig gemaak om skape minder te maak. “Veediewe het 200 skape gesteel, ’n bobbejaan het oor die 100 gevang en ’n